Ulbmil ja višuvdna
Davvi-Romssa Musea galgá bargat sihke ovddeš- ja dálá-áiggiid kultuvrralaš rasttildemiiguin ja deaivvademiiguin. Lágádus galgá loktejuvvot fágalaččat ja organisatovrralaččat dan dássái ahte dat livčče oassin nášuvnnalaš museafierpmádagas, ja maid gávdnat iežas saji nášuvnnalaš museasektora bargojuogus.
Mearrasámi- ja kvenakultuvrrat leat guovddáš fáttát main Davvi-Romssa Musea galgá bargat. Musea galgá maid čalmmustahttit dáid ja eará kultuvrraid gaskasaš deaivvademiid.
Davvi-Romssa Musea galgá bargat dálá áigge kultuvrralaš rievdamiin, ja boares ja ođđa kultuvrraid deaivvademiin Davvi-Romssas. Dát lea vuođđun go lea gažaldat gait musea doaimmain ja go dat árvvoštallojuvvojit.
Davvi-Romssa Musea galgá leat organisašuvdna mas lea gullevašvuohta Dávvi-Romssa olbmuide.
Rámmat
Davvi-Romssa Musea doaibmá guđa suohkanis mat gullet regionráđđeovttasbargui: Ivgus, Omasvuonas, Gáivuonas, Ráissas, Skiervvás ja Návuonas.
Davvi-Romssa Musea bargá dan ovdii ahte Norga sáhtašii deavdit riikkaidgaskasaš konvenšuvnnaid geatnegasvuođaid.
