Váldorusttegat
Juohke suohkanis lea erenoamáš kulturhistorjjálaš rusttet, mat ovttas addet rastáčuohpastaga guovllu kulturhistorjjás. Davvi-Romssa guovllus lea gelddolaš historjá ja geografiija.
Dáppe sáhtát vásihit stuorra ábi sigáhiid olggumuš rittus, vuonaid kultureanádaga ja siseatnanvákkiid rikkis šaddodaga ja elliid valljodaga. Guovllu historjjás vuhttojit 10 000 jagi áigásaš kulturdeaivvadeamit. Dáppe leat sápmelaččat, dážat ja kvenat eallán bálddalaga jahkečuđiid.
Gamslett
Gamslett guolásteaddjiboandadállu lea Davvi-Romssa Musea váldorusttet Ivgu suohkanis.
Miessegietti
Miessegietti mearrasámi dállu lea Davvi-Romssa Musea váldorusttet Gáivuona suohkanis.
Ivgobađa
Ivgobađa Márkanbáiki lea Davvi-Romssa Musea váldorusttet Omasvuona suohkanis.
Márnuori dállu
Márnuori dállu lea Davvi-Romssa Musea váldorusttet Skiervvá suohkanis.
Sajádat
Márnurrii beasat go earránat E6 bálgás Langslett-bálggesearus ja čuovut fylkkabálgá 866 Skiervvá guvlui. Fertet vuodjit Márnuori tunnealla čađa ja dan maŋŋá jorggihit olgešguvlui ja vuodjit s. 3 kilomehtera. Márnuori dállu lea mearragáttis gurutbealde.
Tørfossa kvenadállu
Tørfossa kvenadállu lea Davvi-Romssa Musea váldorusttet Ráissa suohkanis.
Sajádat
Tørrfossa kvenadállu lea Ráisavákkis. Dohko beassá go Reaššegeaži guovddážis jorggiha E6 bálgás riikkabálgái 865, ja vuodjá vákki bajás s. 18 kilomehtera. Bálggesearru riikkabálgás Tørrfossii lea merkejuvvon galbbain.
Gulbbenjárgga
Gulbbenjárgga ođđasishuksema dállu lea Davvi-Romssa váldorusttet Návuona suohkanis.
Sajádat
Máŋggadoaimmaviessu lea guovddáš sajis Buvrovuona suohkanguovddažis. Galba SAMLINGER čujuha E6 bálgás dohko gos čájáhus lea.
Gulbbenjárgga ođđasishuksema dállu lea 15 km E6 ja fylkkabálgá 365 bálggesearus fylkkabálgá mielde Jiehkarvutnii. Mátkkis dohko galgá mannat Saltnes bálggesearu ja galbba Severdighet Øksfjordjøkelen meaddil. Maid Jøkelfjord Laks bálggesearu ja galbba meaddil galgá mannat. Das lea okta kilomehter biilabisánanbáikái. Dállu lea gurutbealde mearaguvlui.
