Fiervábuvrrit Biertaváris
Biertaváris davás Dálošvákki guvlui E6 bálgá bálddas leat máŋga fiervábuvrri. Dáid 28 buvrris leat gávcci huksejuvvon juo 1800-logus. čiežas dain čužžot bálddalága.
Eatnasat dáin buvrriin leat cehkkojuvvon, muhto muhtumiin oidno maid stávrahuksenvuohki. Dáid buvrriid oktasaš iešvuohta lea ahte daid huksemii lea geavahuvvon leaibi. Buvrriid gaskkas lea vel návstegoahti.
Fiervábuvrrit leat smávva viesut maid geavahedje reaidduid ja bivdobiergasiid seailluheapmái. Mearrasámiguovlluin lei dábálaš ahte dákkár buvri lei leamen. Erohussan dasa, mii lei muđui dábálaš norgga návsteárbevieruin, lei ahte dáin buvrriin ii lean sadji vanccaide.
Duiskalaččaid boaldimiid geažil ruoktot geasseadeami oktavuođas leat dát buvrrit okta dain hárvenaš ovdamearkkain mearrasápmelaš huksenvugiin ovdal 1940-logu.
Okta dáin buvrriin gullá Miessegietti dállui. Buvrrit vuotnagáttiin ja viesuid luhtte duođaštit mearrasámiid máŋggabealát mearra-, meahcce- ja eanandoalloresurssaid ávkkástallama.
Fiervábuvrrit leat maid válljejuvvon ovddastit suohkana riikkaviidosaš prošeavttaš Fotefar mot nord.
