Museala doaibma
Márnuorri lei badjel 200 jagi stuorra ja dehálaš gávppašanbáiki Davvi-Romssas. Dušše váldoviessu lea vel báhcán ceaggut dain máŋggain viesuin mat doppe ledje ovdal.
Viesus lea nd. guovdafeaskkir-mállesaš viessohápmi man ovdasiidu lea mearabealde, ja dat lea huksejuvvon Lois-Seize stiillain s. 1770-logus. Váldovissui lassin doppe lea vel návsti ja basadanviessu, ja dát ovttas dahket musearusttega Márnuori gávpebáiki. Davvi-Romssa Musea lea restaureren váldoviesu ja rekonstrueren návstti. Návsttis lea dál bistevaš čájáhus mii govain, teavsttain ja reaidduin vuosiha rittu bivdohistorjjá. čájáhusas leat maid máŋggalágan vancamállet mat ovddešáiggiid leat geavahuvvon bivddus miehtá rittu.
Viesu sisoasit ja stohpogálvvut leat 1850-logus, ja lanjat vuosihit govt gávpeolmmái bearrašiinnes orui dan áigge. Márnuoris beasat vásihit ovddeš áiggiid ilmmi, borrat árbevirolaš biepmuid ja oaččut maid oahpisteami dálu erenoamáš čájáhusaide.
Dálus leat geassit fásta rahpanáiggit (geahča rahpanáiggiid). Davvi-Romssa Museas lea maid ossodatkantuvra ja museagávpi Skiervvá guovddážis, čujuhusas Strandveien 74.
