Museala doaibma
Ivgobađa márkaniid stuorravuođa áigi deaivvai 1800-lohkui, ja lei dalle stuorimus ja deháleamos gávppašanmárkan Davvi-Romssas. Dološ márkanvisožiin leat dušše guokte seilon otnábeaivái.
Dát guokte viesu leat vissásit áidna huksehusat mat leat vel muitun Davvi-Kalohta márkangávppašemiin. Dát visožat ovttas guvttiin earáin, rekonstruerejuvvon viesuin dahket dál Márkanbáiki museaguovllu. Jagis 2003 dohko ceggejuvvojedje vel lassin bádji ja gáivvovindi.
Dáid visožiin lea čájáhus mii muitala ovddešáiggiid márkaneallimis govaid, teavsttaid, biergasiid ja jietnakulissaid vehkiin.
Ivgobađa márkaniin lei stuorra mearkkašupmi mišuvdnabarggu ektui, ja lei dehálaš lestadianalaččaid čoahkkananbáiki. čájáhusas lea čoakkalmaslatnja mas olbmot besset guldalit 50 jagi boares báddejumiid lestadianalaččaid sálbmalávlumis ja sártnis.
Márkanbáikkis leat fasta rahpanáiggit suoidnemánus (geahča rahpanáiggiid). Antihkka- ja geavahuvvon gálvvuid gávpi lágiduvvo suoidnemánu maŋimuš lávvordaga.
Márkanbáikkis lea maid ossodatkantuvra ja museagávpi.
